Advertisement
Admin Login

23:35:28
Sunday
25 February 2018

மலேசிய மாந்தநேயத் திராவிடர் கழகத்தின் மத்திய செயலவைக்கூட்டம்

மலேசிய மாந்தநேயத் திராவிடர் கழகத்தின் மத்திய செயலவைக்கூட்டம்
மலேசிய மாந்தநேயத் திராவிடர் கழகத்தின் மத்திய செயலவைக்கூட்டம், வரும் 25.2.2018 ஞாயிற்றுக்கிழமை, காலை 10.00 மணிக்கு, கோலாலும்பூர் விசுமா துன் சம்பந்தன், தான்சிறி கே.ஆர். சோமா கூட்ட அரங்கில், கழக தேசியத் தலைவர் நாக.பஞ்சு அவர்களின் தலைமையில் நடைபெறவுள்ளது.

பகுத்தறிவுப் பகலவன் தந்தை பெரியார் சிந்தனையில் தோன்றிய பகுத்தறிவுக் கொள்கை என்பது மாந்தநேய உணர்வோடு: சமுதாயத்தில் காணப்படும் பொருத்தமற்ற நடவடிக்கைகளை களைந்து மக்களை அறிவும், மானமும் பெற்று சிறந்தோங்க நல்வழிப்படுத்த அறிவூட்டும் பணியாகும். 

அந்தப் பணியினை கடந்த காலங்களில் மலேசியாவில் தந்தை பெரியாரின் கொள்கையை ஏற்றிருந்த இயக்கங்கள் சரியாகவே செய்து வந்துள்ளன என்றாலும் நமது நாட்டில் இப்பொழுது மலிந்து, மலிவாகக் காணப்படும் மூடநம்பிக்கை: ஜாதிய சிந்தனை போன்றவற்றை தோலுரிக்கும் பணி நமக்கு இக்காலகட்டத்தில் அதிகமாக தேவை என்பதால் அதனை மாந்தநேயத் திராவிடர் கழகம் உடனடியாக முடுக்கிவிட முனைந்துள்ளது.

எனவே, நடைபெறும் மத்திய செயலவையில் நல்ல செயல் திட்டங்களைக் கொண்டுவரவிருப்பதால், கூட்டத்திற்கு, கழக மத்திய செயலவை உறுப்பினர்கள் குறிப்பிட்ட நேரத்தில் தவறாது, மறவாது வந்து கலந்து மாந்தநேயத் திராவிடர் கழக வளர்ச்சிக்கும் பயனான ஆலோசனைகளையும் ஆதரவையும் வழங்க வேண்டுமென பொதுச்செயலாளர் அன்பரசன் சண்முகம் அன்போடு கேட்டுக்கொள்கிறார்.


FOLLOW US

© Copyright 2018. All rights reserverd.