13:34:43
Friday
21 September 2018

மலாக்காவில் ஒரே மலேசியா ஆவிகள் உலவுகின்றன.

மலாக்காவில் ஒரே மலேசியா ஆவிகள் உலவுகின்றன.



இரா.சரவண தீர்த்தா 
மலாக்கா 

மலாய்காரர்,சீனர், இந்தியர், போர்த்துகீசியர் ஆகியோர்  ஒரே முகவரியைக் கொண்டிருப்பவர்களாக வாக்காளர் பட்டியல் 
காண்பிக்கிறது என்று ஆயர் குரோ சட்டமன்ற  உறுப்பினர் 
கூ போய் தியோங் கூறினார்.


ஜப்ருன்க  புக்கிட் பாரு தொகுதியில் இதுநாள் வரை வைக்கப்பட்டிருந்த கம்போங்  புக்கிட் கட்டில் தொகுதியில் உள்ள வாக்காளர்கள் பட்டியலைக் கொண்ட பதிவேடுகளில் 19 ஏடுகள் காணாமல் போயிருப்பதும் பல சந்தேகங்களுக்கு இடமளித்திருப்பதால் தேர்தல் ஆணையத்தில் இப்பிரச்சினை குறித்து புகார் செய்ய வந்திருப்பதாக கூ கூறினார்.

தேர்தல் ஆணைய அலுவலகத்திற்கு வந்து காணாமல் போன பக்கங்களின் தகவல்களைத் தேடிப்பார்க்கும் போது ,சந்தேகப்பட்டமாதிரி பல குளறுபடிகள் வாக்காளர்கள் பெயர் பட்டியலில் நடந்திருப்பதைக் காண முடிவதாக அவர் கூறினார்.

கம்போங்ப பத்து அனாம் என்ற ஒரே முகவரியில் மலாய்காரர் ,சீனர்,இந்தியர்,போர்த்துகீசியர் ஆகியோரின் பெயர்கள் இடம்பெற்றிருப்பதாகவும்,மாச்சாப் தொகுதியில் 134 வாக்காளர்கள் ஒரே முகவரியைக் கொண்டிருப்பதாக கூ ஆதாரங்களோடு விளக்கினார்.  

எதிர் வரும் பொதுத் தேர்தலில் எப்படியாவது வெற்றி பெறவேண்டும் என்ற எண்ணம் கொண்ட தேசிய  முன்னணியின் குறுக்கு புத்தி வியூகம் இது  என்று கூ சாடினார். இப்பிரச்சினையை தேர்தல் ஆணையம் தீவிரமாக விசாரிக்க வேண்டும் என்று அவர் கேட்டுக் கொண்டார்.